Where th' howlet mourns in her ivy bower,
And tells the midnight moon her care;

The winds were laid, the air was still,
The stars they shot alang the sky;
The fox was howling on the hill,

And the distant echoing glens reply.

The stream, adown its hazelly path,
Was rushing by the ruined wa's,
Hasting to join the sweeping Nith, 1

Whose distant roaring swells and fa's.

The cauld blue North was streaming forth
Her lights, wi' hissing eerie din ;

Athort the lift they start and shift,

awe-inspiring

athwart

Like Fortune's favours, tint as win. lost as won

By heedless chance I turned mine eyes,
And, by the moonbeam, shook to see

A stern and stalwart ghaist arise,
Attired as minstrels wont to be.2

1 Variation

To join yon river on the Strath.

2 Variation

Now looking over firth and fauld,

Her horn the pale-faced Cynthia reared;

When, lo! in form of minstrel auld,

A stern and stalwart ghaist appeared.

Had I a statue been o' stane,

His darin' look had daunted me; And on his bonnet graved was plain, The sacred posy - "Libertie!"

And frae his harp sic strains did flow,
Might roused the slumb'ring dead to hear;

But oh! it was a tale of wo,

As ever met a Briton's ear.

He sang wi' joy the former day,
He weeping wailed his latter times;
But what he said it was nae play-
I winna ventur't in my rhymes.

OUT OVER THE FORTH.

TUNE Charlie Gordon's welcome hame.

OUT over the Forth I look to the north,

But what is the north and its Highlands to me?

The south nor the east gie ease to my breast,

The far foreign land, or the wild rolling sea.

But I look to the west, when I gae to rest, That happy my dreams and my slumbers may be ;

For far in the west lives he I lo'e best,

The lad that is dear to my babie and me.

LOUIS, WHAT RECK I BY THEE?

TUNE― Louis, what reck I by thee?

LOUIS, what reck I by thee,

Or Geordie on his ocean?
Dyvor, beggar loons to me,

I reign in Jeanie's bosom!

Let her crown my love her law,
And in her breast enthrone me
Kings and nations, swith, awa'!
Reif randies, I disown ye!

Bankrupt

quick Thief-beggars.

SOMEBODY!

TUNE- For the sake of Somebody.

"The whole of this song was written by Burns, except the third and fourth lines of stanza first, which are taken from Ramsay's song to the same tune." STENHOUSE.

My heart is sair—I dare na tell
My heart is sair for somebody;

I could wake a winter night
For the sake of somebody.
Oh-hon for somebody!

Oh-hey for somebody!

I could range the world around,
For the sake o' somebody!

Ye powers that smile on virtuous love,
O sweetly smile on somebody!

Frae ilka danger keep him free,
And send me safe my somebody!
Oh-hon for somebody!

Oh-hey! for somebody!

I wad do what wad I not?

For the sake o' somebody!

WILT THOU BE MY DEARIE?

AIR- The Sutor's Dochter.

WILT thou be my dearie?

When sorrow wrings thy gentle heart,
Wilt thou let me cheer thee?
By the treasure of my soul,
That's the love I bear thee,

I swear and vow that only thou
Shall ever be my dearie!

Only thou, I swear and vow,

Shall ever be my dearie!

Lassie, say thou lo'es me;
Or if thou wilt na be my ain,
Say na thou'lt refuse me.
If it winna, canna be,

Thou for thine may choose me,
Let me, lassie, quickly die,
Trusting that thou lo'es me!
Lassie, let me quickly die,
Trusting that thou lo'es me!