Then come, thou fairest of the fair,
Those wonted smiles, oh, let me share!
And, by thy beauteous self I swear,

No love but thine my heart shall know.

SLEEP'ST THOU, OR WAK'ST THOU?
TUNE-"De'il tak' the wars.'

SLEEP'ST thou, or wak'st thou, fairest creature ?
Rosy morn now lifts his eye,
Numbering ilka bud, which Nature

Waters wi' the tears o' joy:

Now thro' the leafy woods,

And by the reeking floods,

Wild Nature's tenants, freely, gladly stray:

The lintwhite in his bower

Chants o'er the breathing flower,

The lav'rock to the sky

Ascends wi' sangs o' joy,

While the sun and thou arise to bless the day.

Phoebus, gilding the brow o' morning,

Banishes ilk darksome shade,

Nature gladd'ning and adorning;
Such to me my lovely maid.
When absent from my fair,
The murky shades o' care

Sleep'st thou, or wak'st thou ?

With starless gloom o'ercast my sullen sky;

But when in beauty's light
She meets my ravish'd sight,
When thro' my very heart
Her beaming glories dart,

'Tis then I wake to life, to light, and joy.

207

STAY, MY CHARMER.

TUNE-" An gille dubh ciar-dhubh."

STAY, my charmer, can you leave me?

Cruel, cruel to deceive me!

Well you know how much you grieve me ;

Cruel charmer, can you go'

?

Cruel charmer, can you go ?

By my love, so ill requited,
By the faith you fondly plighted,
By the pangs of lovers slighted,
Do not, do not leave me so!
Do not, do not leave me so!

JOCKEY'S TA'EN THE PARTING KISS.
TUNE-" Bonnie lassie, tak' a man.'

JOCKEY's ta'en the parting kiss,
O'er the mountains he is gane;
An' wi' him is a' my bliss,

Nought but griefs with me remain.
Spare my luve, ye winds that blaw,
Plashy sleets and beating rain!
Spare my luve, thou feathery snaw,
Drifting o'er the frozen plain!

Gane is the Day.

When the shades of evening creep
O'er the day's fair, gladsome e'e,
Sound and safely may he sleep,

Sweetly blithe his waukening be!
He will think on her he loves,
Fondly he'll repeat her name;
For where'er he distant roves,
Jockey's heart is still at hame.

209

GANE IS THE DAY.

TUNE-"Gudewife, count the lawin."

["The chorus of this song is old."-Burns.]

GANE is the day, an' mirk's the night,
But we'll ne'er stray for fau't o' light,
For ale an' brandy's stars an' moon,
An' bluid-red wine's the rising sun.

Then, gudewife, count the lawin,
The lawin, the lawin;
Then, gudewife, count the lawin,
An' bring a coggie mair.

There's wealth an' ease for gentlemen,
An' simple folk maun fight an' fen;
But here we 're a' in ae accord,

For ilka man that's drunk's a lord.

My coggie is a haly pool,

That heals the wounds o' care an' dool;

An' pleasure is a wanton trout,

An

ye drink but deep ye 'll find him out.

AS I WAS A-WANDERING.

TUNE-"Rinn meudial mo mhealladh."

[This is an old Highland air, and the title means "My love did deceive me." There is much feeling expressed in this song.]

As I was a-wand'ring ae midsimmer e'enin',
The pipers an' youngsters were making their

game;

Amang them I spied my faithless fause lover, Which bled a' the wounds o' my dolour again.

Weel, since he has left me, my pleasure gae wi' him;

I may be distress'd, but I winna complain;

I flatter my fancy I may get anither,

My heart it shall never be broken for ane.

I couldna get sleeping till dawin' for greetin',
The tears trickled down like the hail an' the rain:
Had I na got greetin', my heart wad a broken,
For, oh! love forsaken's a tormenting pain.