QUEM modo Roma suis devoverat impia diris, Et Styge damnarat Tænarioque sinu,
Hunc, vice mutata, jam toilere gestit ad astra, Et cupit ad superos evehere usque Deos.
V.-In inventorem bombarda.
LAPETIONIDEM laudavit cæca vetustas, Qui tulit ætheream solis ab axe facem ; At mihi major erit, qui lurida creditur arma, Et trifidum fulmen surripuisse Jovi.
VI. Ad Leonoram Roma canentem.
ANGELUS unicuique suus (sic credite gentes) Obtigit æthereis ales ab ordinibus. Quid mirum? Leonora, tibi si gloria major? Nam tua præsentem vox sonat ipsa Deum. Aut Deus, aut vacui certè mens tertia coli Per tua secretò guttura serpit agens; Serpit agens, facilisque docet mortalia corda Sensim immortali assuescere posse sono. Quòd si cuncta quidem Deus est, per cunctaque fusus, In te unâ loquitur, cætera mutus habet.
ALTERA Torquatum cepit Leonora poetam, Cujus ab insano cessit amore furens. Ah miser ille tuo quantò felicius ævo Perditus, et propter te, Leonora, foret! Et te Pieriâ sensisset voce canentem Aurea maternæ fila movere lyræ: Quamvis Dircæo torsisset lumina Pentheo Sævior, aut totus desipuisset iners, Tu tamen errantes cæcâ vertigine sensus Voce eadem poteras composuisse tuâ;
Et poteras, ægro spirans sub corde, quietem Flexanimo cantu restituisse sibi.
CREDULA quid liquidam Sirena Neapoli jactas, Claraque Parthenopes fana Achelöiados, Littoreamque tua defunctam Naiada ripa Corpora Chalcidico sacra dedisse rogo? Illa quidem vivitque, et amoenâ Tibridis undâ Mutavit rauci murmura Pausilipi.
Illic Romulidûm studiis ornata secundis, Atque homines cantu detinet atoue Deos.
IX.-Apologus de Rustico et Hero.
RUSTICUS ex malo sapidissima poma quotannis Legit, et urbano lecta dedit Domino; Hinc incredibili fructûs dulcedine captus Malum ipsam in proprias transtulit areolas. Hactenus illa ferax, sed longo debilis ævo,
Mota solo assueto, protenùs aret iners. Quod tandem ut patuit Domino, spe lusus inani, Damnavit celeres in sua damna manus; Atque ait, heu quantò satius fuit illa Coloni (Parva licet) grato dona tulisse animo!
Possem ego avaritiam frænare, gulamque voracem: Nunc periere mihi et foetus et ipse parens.
X.-Ad Christinam Suecorum Reginam, nomine Cromwelli.
BELLIPOTENS Virgo, septem Regina Trionum, Christina, Arctoï lucida stella poli! Cernis, quas merui dura sub casside rugas, Utque senex armis impiger ora tero; Invia fatorum dum per vestigia nitor, Exequor et populi fortia jussa manu. Ast tibi submittit frontem reverentior umbra Nec sunt hi vultus Regibus usque truces.
Inobitum Procancellarii, medici.
PARERE fati discite legibus,
Manusque Parcæ jam date supplices Qui pendulum telluris orbem
läpete collitis nepotes.
Vos si relicto mors vaga Tænaro Semel vocârit flebilis, heu moræ
Tentantur incassum, dolique;
Per tenebras Stygis ire certum est.
Quem larva Pelidis peremit
Ense Locro, Jove lacrymante. Sic triste fatum verba Hecatëia Fugare possint, Tellegoni parens Vixisset infamis, potentique Ægiali soror usa virgâ.
Numenque trinum fallere si queant
Artes medentûm, ignotaque gramina, Non gnarus herbarum Machaon
Eurypyli cecidisset hastâ.
Læsisset nec te, Philyreie, Sagitta Echidnæ perlita sanguine, Nec tela te fulmenque avitum Cæse puer genetricis alvo. Tuque O alumno major Apolline, Gentis togatæ cui regimen datum, Frondosa quem nunc Cirrha luget, Et mediis Helicon in undis,
Jam præfuisses Palladio gregi Lætus, superstes, nec sine gloria: Nec puppe lustrasses Charontis Horribiles barathri recessus. At fila rupit Persephone tua Irata, cum te viderit, artibus Succoque pollenti, tot atris Faucibus eripuisse mortis.
Colende Præses, membra precor tua Molli quiescant cespite, et ex tuo Crescant rosæ, calthæque busto, Purpureoque Hyacinthus ore. Sit mite de te judicium Æaci, Subrideatque Ætuæa Proserpina, Interque felices perennis Elysio spatiere campo.
In Quintum Novembris.
(Anno Ætatis 17.)
JAM pius extrema veniens läcobus ab arcto, Teucrigenas populos, latéque patentia regna Albionum tenuit, jamque inviolabile foedus Sceptia Caledoniis conjunxerat Anglica Scotis: Pacificusque novo felix divesque, sedebat In solio, occultique doli securus et hostis: Cum ferus ignifluo regnans Acheronte tyrannus, Eumenidum pater, æthereo vagus exul Olympo, Forte per immensum terrarum erraverat orbem, Dinumierans sceleris socios, vernasque fideles, Participes regni post funera mosta futuros; Hic tempestates medio ciet aëre diras, Illac unanimes odium struit inter amicos, Armat et invictas in mutua viscera gentes; Regnaque olivifera vertit florentia pace, Et quoscunque videt puræ virtutis amantes, Hos cupit adjicere imperio, fraudumque magister Tentat inaccessum sceleri corrumpere pectus; Insidiasque locat tacitas, cassesque latentes Tendit, ut incautos rapiat, seu Caspia Tigris Insequitur trepidam deserta per avia prædam Nocte sub illuni, et somno nictantibus astris.
Talibus infestat populos Summanus et urbes Cinctus cæruleæ fumanti turbine flammæ. Jamque fluentisonis albentia rupibus arva Apparent, et terra Deo dilecta marino, Cui nomen dederat quondam Neptunia proles, Amphitryoniaden qui non dubitavit atrocem, Equore tranato, furiali poscere bello, Ante expugnatæ crudelia sæcula Troja.
At simul hanc opibusque et festá pace beatam Aspicit, et pingues donis Cerealibus agros, Quodque magis doluit, venerantem numina veri Sancta Dei populum, tandem suspiria rupit Tartareos ignes et luridum olentia sulphur; Qualia Trinacria truxa ab Jove clausus in Ætna Efflat tabifico monstrosus ab ore Tiphoeus. Ignescunt oculi, stridetque adamantinus ordo Dentis, ut armorum fragor, ictaque cuspide cus is Atque pererrato solum hoc lacrymabile mundo Inveni, dixit, gens hæc mihi sola rebellis, Contemtrixque jugi, nostraque potentior arte. Illa tamen, mea si quicquam tentamina possunt, Non feret hoc impune diu, non ibit inulta. Hactenus; et piceis liquido natat aëre pennis; Quà volat, adversi præcursant agmine venti, Densantur nubes, et crebra tonitrua fulgent. Jamque pruinosas velox superaverat Alpes, Et tenet Ausoniæ fines: a parte sinistra Nimbifer Appenninus erat, priscique Sabini, Dextra venificiis infamis Hetruria, nec non Te furtiva, Tibris, Thetidi videt oscula dantem ; Hinc Mavortigenæ consistit in arce Quirini. Reddiderant dubiam jam sera crepuscula lucem, Cum circumgreditur totam Tricoronifer urbem, Panificosque Deos portat, scapulisque virorum Evehitur, præeunt submisso poplite reges, Et mendicantum series longissima fratrum; Cereaque in manibus gestant funalia cæci, Cimmeriis nati in tenebris, vitamque trahentes. Templa dein multis subeunt lucentia tædis (Vesper erat sacer iste Petro) fremitusque canentum S pe tholos implet vacuos, et inane locorum. Qualiter exululat Bromius, Bromiique caterva,
« ՆախորդըՇարունակել » |