An' wi' rhetoric clause on clause To mak harangues; Then echo thro' Saint Stephen's wa's Auld Scotland's wrangs. Dempster, a true blue Scot I'se warran; Thee, aith-detesting, chaste Kilkerran ;* An' that glib-gabbet Highland Baron, The Laird o' Graham :† An' ane, a chap that's damn'd auldfarran, Dundas his name. Erskine, a sponkie Norland billie; True Campbells, Frederick, an' Ilay; An' Livingstone, the bauld Sir Willie; An' monie ithers, Whom auld Demosthenes or Tully Το Might own for brithers. Arouse, my boys! exert your mettle, get auld Scotland back her kettle ; Or faith! I'll wad my new pleugh-pettle, Ye'll see't or lang, She'll teach you, wi' a reekin whittle, Anither sang.. This while she's been in crankous mood, Her lost Militia fir'd her bluid: (Deil na they never mair do guid, Play'd her that pliskie!) * Sir Adam Ferguson. E. The present Duke of Montrose. E An' now she's like to rin red-wud An' Ld, if ance they pit her till't, Her tartan petticoat she'll kilt, An' durk an' pistol at her belt, She'll tak the streets, An' rin her whittle to the hilt, I' th' first she meets! For G-d sake, Sirs! then speak her fair, Wi' instant speed, An' strive wi' a' your wit and lear Yon ill-tongu'd tinkler Charlie Fox, May taunt you wi' his jeers an' mocks; But gie him't het, my hearty cocks! E'en cowe the caddie! An' send him to his dicing-box An' sportin lady. Tell yon guid bluid o' auld Boconnock's Nine times a week, * A worthy old Hostess of the Author's in Mauchline where he sometimes studies Politics over a glass of guid auld. Scotch Drink. If he some scheme, like tea an' winnocks, Wad kindly seek. Could he some commutation broach, I'll pledge my aith in guid braid Scotch, He need na fear their foul reproach Nor erudition, Yon mixtie-maxtie queer hotch-potch, Auld Scotland has a raucle tongue; She's just a devil wi' a rung; An' if she promise auld or young Tho' by the neck she should be strung, An' now' ye chosen Five-and-Forty, May still your Mither's heart support ye Then, tho' a Minister grow dorty, An' kick your place, Ye'll snap your fingers, poor and hearty, Before his face. God bless your Honours a' your days, Wi' sowps o' kail and brats o' claise, In spite o' a' the thievish kaes, That haunt St Jamie's! Your humble Poet sings and prays While Rab his name is. POSTSCRIPT. LET half-starv'd slaves, in warmer skies She eyes her freeborn, martial boys, What tho' their Phœbus kinder warms, While fragrance blooms and beauty charms! When wretches range, in famish'd swarms, The scented groves, Or hounded forth, dishonour arms In hungry droves. Their gun's a burden on their shouther; Till skelp-a shot-they're aff, a throwther, But bring a Scotsman frae his hill, Clap in his cheek a Highland gill, Say, such is royal George's will, An' there's the foe, He has nae thought but how to kill. Twa at a blow. Nae cauld, faint-hearted doubtings tease him Death comes, wi' fearless eye he sees him; Wi' bluidy hand a welcome gies him; An' when he fa's, His latest draught o' breathin lea'es him In faint huzzas. Sages their solemn een may steek, An' raise a philosophic reek, An' physically causes seek, In clime and season; But tell me Whisky's name in Greek, Scotland, my auld, respected Mither! Tho' whiles ye moistify your leather, Till whare ye sit, on craps o' heather, Ye tine your dam; (Freedom and Whisky gang the gither!) Tak aff your dram! |